الثلاثاء، 21 مايو 2013

رسالة من حر خلف القضبان

انا صاحب يوسف علي - جو الأسطورة - و قايللي كام رسالة ابلغهالكوا, تابعوا الكام تويتة اللي جايين.

اولًا وحشتوني كلكوا .. عارف إني هطول جوا بس ماتفقدوش الأمل ف خروجي بعد  يوم بعد شهر بعد سنة هخرج اكيد عشان اجيب حق اللي مات و احقق حلمه.

ثانيًا معلومة لأمي العزيزة .. داخل علي الختمة الثالثة في قراءة القرأن *دي ورقة يوسف كاتبها


ثالثًا .. هتفت جوا السجن "انا حرية و سيادتك لفقتلي قضية" *دي ورقة يوسف كاتبها*





رابعًا .. الحرية جاية لابد *دي ورقة يوسف كاتبها*
خامسًا كاتب علي سور الزنزانة - الثورة مستمرة يا ولاد المره -

سادسًا ولاد المره رفضوا حضوري الأمتحانات و السنة ضاعت عليا و الحوار ده خلاني حزين.

سابعًا .. لجوجو و لأحسان ماتخافوش عليا السجن للرجالة و انا راجل.

ثامنًا .. حاسس إني عفنت :( عاوز اسرح شعري :) *دي ورقة يوسف كاتبها








اخيرًا .. عمر السجن ما غير فكرة عمر القهر ما اخر بكرة, الحرية جاية لابد :)
-
كده الرسالة خلصت.ادعوا ليوسف و لكل المعتقلين.
معلومه جو معتقل و معاه 6 شباب تانيين في نفس قضيته هما
- إسلام محمد فولى
- عبد الرحمن محسن ( مانو )
- محمد عادل ( جولدن )
- عبد الرحمن عبد الودود ( العربى )
- عبد الرحمن سليم ( شيتوس )
- صلاح الدين على اسماعيل


                                                              الحرية للمعتقلين


مرسلة بواسطة في ليست هناك تعليقات:

السبت، 18 مايو 2013

المؤسسة العقابية .. كيف تصنع مجرماً في ساعات معدودة؟

قبل ما احكي احب اعرف الناس انا ليه اصلاً اتحبست

 للتذكير : انا اتحبست 9 شهور حبس احتياطي منهم 6 شهور ف المؤسسة العقابية

يوم الجمعة 28 أكتوبر 2011 خرجت من ميدان التحرير قاصدا منزلي. وعندا مروري من عند دار القضاء العالي أثناء ازمة المحامين والقضاه فتم القبض عليا وسحلي و تعذيبي والتعدي عليا بدنيا وجنسيا داخل غرفه بـدار القضاء . أتهموني بحيازة سلاح دون ترخيص وزخيره والتعدي على القضاه واحتجازهم بنئا علي مذكرة تم تقديمة من كلا من :حسام الغرياني  .. محمود حلمي الشريف .. احمد الزند

انا كانت ف ثانوية عامة عمري 17 سنة كل اللي كان معايا  يومها وكما هو مثبوت بالمحضر شنطه مدرسه كراسات تليفون محمول وفلاش ميموري.




ده جزاء بسيط من شهادتي علي اللي بيحصل داخل المؤسسة العقابية .... والتي قضيت بيها 6 شهور حبس


- أول لم تتدخل من الباب بيستقبلك العساكر و يأخدو الواحد ويطلعو علي مكتب التسجيل فوق ويتم الكشف الطبي عليه .. وبعدين تأخد الحفلة من المخبريين والعاكر و تنزل إلي عنبر الاستقبال ومن هنا بتبدأ رحلة العذاب داخل هذا المكان .. ولم تنزل عنبر الاستقبال تبداء حفلة الاستقبال " ضرب و إهانة " من المساجين بأوامر من كل القيادات الموجوده .. الضرب بيكون عن طريق مجموعة من المساجين والضرب بيكون بعصاية غليظة جدا وخرطيم المياة وبيضربو ف كل حتة ف الجسم

 - ممكن يستمر الضرب لساعات حتي يأمر أحد من القيادات أو أخصائي العنبر بإيقاب الضرب وبعد إيقاب الضرب تبتدي تأخد الاومر .. وبعدين تأخد تعليمات ونظام المكان اللي هي :- ممنوع الكلام مع حد .... ممنوع تبص جنبك .... ممنوع تقوم من مكانك ... .. علشان تشرب مية لازم تستأذان لم تشرب او متشربش ولو عاوز تدخل الحمام نفس الامر من الاخر مينفعش اي حاجة من نفسك .. لازم تاخد الموفقة من اللي ماسك العنبر و حسب مزاج اللي ماسك العنبر اللي هو ف الاصل مسجون زيك زيو بالظبط

 - وبعدين تأخد اللبس بتاعك اللي هو راحته معفنة وممكن كمان يجيب للواحد امراض جلدية بس غصب عنك لازم تلبسه .. ولو قالت لا يتعمل عليك حفلة تعذيب جديده و ف الاخر بتلبس اللبس بردك .. بعد لما تلبس تدخل للأخصائي الاجتماعي المسئول .. و لما تدخل للأخصائي المسئوال عن العنبر تبدأ رحلة " تعذيب و إهانة " تانية وشتيمة باوسخ الالفاظ وبيسجل بياناتك وكده

 - وبعدين تبدأ حملة النظافة في العنبر اللي هي يعني مسيح العنبر واللي بتستمر لمدة ساعة كاملة مع الضرب طبعا .. المساجين كلهم اللي في العنبر بيشتغلو نظافة ماعدا المساجين اللي ماسكة العنبر واللي بيشغلو باقي المساجين وده طبعا زل

 - بعدين يجي وقت الغدا "الاكل جوة سئ جدا" وبيقعدوا كل تلاته مع بعض يأكلو الاكل بيكون لحمة اوفراخ مع رز وسلطة وبيكون قليل .. واللي ماسكين العنبر بياخد أكبر كمية ليهم و بيوزعوا علي المخبريين والعساكر واللي يفيض يبقي للمساجين اللي هو أحنا يعني .. فى كل عنبر فيه تليفزيون والمفروض المساجين بيتفرجوا عليه طوال اليوم .. وبردك علي حسب اللي ماسك العنبر اللي هو مسجون برده .. الصلاة هناك فرض علي الجميع ماعدا المسيحين ... طوال اليوم محدش بيتكلم مع حد خلص او حد بيتحرك من مكانه

 - الساعة 5 عصرا العنبر بيجمع كله يعني "المساجين كلهم يقفوا صف جنب بعضهم " رفعين راسهم فوق رجلهم الاتنين علي بلطة واحدة .. اللي بيعمل غير كده بيتعمل عليه حفلة تمام ويعدي كام واحد من المساجين اللي مساكين العنبر وبيطاعو اي حد أتكلم اوبص جانبه .. وبردك بيتعمل عليه الحفلة التمام من اللي مساكين العنبر وممكن ينضرب علي ايدها 50 عصاية او يتكتف ويتمد علي رجله .. وبردك بيتعمل عليه الحفلة التمام من اللي مساكين العنبر وممكن ينضرب علي ايدها 50 عصاية او يتكتف ويتمد علي رجله

 - يرجعوا المساجين يقعدوا تاني محدش بيكلم حد او حد بيبص جانبه لحد الساعة 8 اللي هو المفروض معاد النوم .. ولكل ينام لحد ما أذان الفجر يأذان و كل الناس تقومو علشان تصلي و المفروض يناموا تاني لحد الساعة 9 بس ده مش بيحصل ..


من كتر التعذيب في المكان ده فيه مساجين بتموت ومحدش بيسمع عنهم خلاص و كمان بتحصل حالات هتك عرض كتير .. التعذيب هناك بيتم بأوسخ الطرق علي ايد المخبريين و العساكر و المساجين بأومر من القيادات

 - أنا قضيت 6 شهور ف المكان ده حصل أكتر من 7 حالات وفاة واكتر من 50 حالة هتك عرض و إصابة أكتر من 300سجن من كتر التعذيب .. و مفيش رقابة من حقوق الانسان او من حقوق الطفال علي المكان ده رغم ان فيه ناس كتير اشتكت من اللي بيحصل جوة من إنتهاكات


تم التحديث ف 25/8/2014 الساعة 7:30



شاهد - "فرمان العنبر" .. تحقيق استقصائي في آخر كلام



شاهد - يسري فوده: كيف تصنع مجرماً في ساعات معدودة؟




آخر كلام: "فرمان العنبر" .. ما يحدث للأطفال في المؤسسات العقابية:

للعلم اسم "  كيف تصنع مجرماً في ساعات معدودة؟  " من حلقة الاستاذ يسري فودة
















مرسلة بواسطة في ليست هناك تعليقات:

السبت، 11 مايو 2013

قصة كفاح طلاب مدرسة السعيدية

                                        

أولا : مبروك دخولهم الامتحانات ..... أقرأو قصتهم وأعرف قد إيه أتظلموا :-
ودي قصة طلاب مدرسة السعيدية
ــــــــــــــــــــــــــــــــــــــــــــــــــــــــــــــ

نحن طلاب من مدرسة السعيديه الثانوية نرى فى مدرستنا اهانه(لفظية,جسدية) للطلاب داخل الفصول من بعض المدرسين , وبناءا على ذلك قررنا تنظيم وقفة احتجاجية امام المدرسة فى يوم 19-2-2013
ضد اهانة الطلاب وتحسين مستوي التعليم داخل الفصول وتكريم شهيد المدرسة الشهيد علي ماهر الذي استشهد في يوم 8 ابريل 2011 , ومعرفة ما دور العسكرية في المدرسة , هل دورها تعليم مادة او دورها الحماية لأننا لا نري احد يحمي الطلاب والمدرسة من بلطجه واعمال سرقة امام المدرسة , ولا توجد حماية ,طالبنا ايضا بأن يتم استخدام مرافق المدرسة في خدمة مواهب الطلاب (مسرح السعيدية , ملاعب السعيدية) لا للتأجير, ولو التأجير يكون بعد اليوم الدراسي , المدرسة بها من 5 الي 6 الاف طالب من المؤكد ان يكون من بينهم رياضيين وموهوبين لماذا لاتستخدم هذه المرافق في خدمة مواهبهم ؟!,وهذه ابسط حقوقنا وليست مطالب ...
جاء لنا اول يوم للمناقشه حول مطالبنا وسبب التظاهر المهندسه (نعيمه عبد الجليل) مدير مديرية التربيه والتعليم بالجيزة والاستاذ (طارق الخضري ) مدير ادارة جنوب الجيزه التعليميه وقيادات المدرسه . قالت المهندسة نعيمة عبد الجليل " بطلوا مزيدات علي اللي ماتوا, شهداء ايه الشهداء هما اللي ماتوا في 56 و 73 و البلد غرقانه وهنسبها تغرق بيكوا انتوا بتتعلموا من شوية عيال بتعمل مظاهرات في التحرير وبتقلدوهم " فكان رد الطلاب الانسحاب من هذا الحوار بعد سب اصدقائهم وثورتهم ,
نزلنا وقفات احتجاجيه تاني للتنديد بما قالت وفصلوا طلاب المنظمين للوقفات ونزلنا وقفات تاني تطالب برجوعهم و رجعناهم بعد ضغظ ولكن كنا فتحنا ملف فساد مالي داخل المدرسه والمديرية وبنسعي وراه علشان نكشف رموزه وهو ملف تأجير ملاعب السعيدية ومسرح السعيدية في اوقات الدراسه وعدم استخدامه في خدمة مواهب الطلاب . لفقوا تهم لي ادمن ب ايفينتات التظاهر والطلاب المنظمين للوقفات وفصلوهم ظلم وتم تشويه صورتهم امام الطلاب وتهديد كل الطلاب في المدرسه بفصلهم لو نزلوا مظاهرات تاني حتي ينتهون من مشكلة المطالبه بالحق علشان وكيلة الوزارة المهندسه (نعيمه) فاضلها اسبوع وتطلع معاش مش عايزه حد يسئل ومدير المدرسه وبنتحارب بطريقه كبيره علشان احنا صح ....فصل 5 سنين لطلاب رفضوا الظلم وسرقة المال العام ...
ده الايفينت القديم فيه تفاصيل ... اللي اتفصله الادمن بتوعه

https://www.facebook.com/events/335314923237197/

لازم ندخل امتحانتنا احنا مش بلطجيه ....يسقط الظلم #مكملين
إعقبال كل الطلاب المعتقلين ميدخلوا أمتحانتهم
مرسلة بواسطة في ليست هناك تعليقات:
الاشتراك في: الرسائل (Atom)